Պտոյտներ (2017)

ԺԱ. դասարանի աշակերտները 06.09.2017-Չորեքշաբթի օր այցելեցին Սկիւտարի Ս.Խաչ եւ Ս.Կարապետ եկեղեցիները: Աշակերտները Յուսիկ Քահանայի կողմէ Սկիւտարի համայնքին ու Ս. Խաչ եկեղեցւոյ պատմութեան մասին տեղեկութիւն ստացան ապա անցան Ս. Կարապետ Եկեղեցին:

Ծրագրին վերջին կայանն էր Պէյլէրպէյի Պալատը: Աշակերտները հոս եւս տեղեկութիւն ստացան Սարգիս Պալեանի կողմէ շինուած շէնքին մասին:

Ժ. Դասարանի աշակերտները 06.09.2017-Չորեքշաբթի այցելեցին Ըհլամուր Քասրըն որուն ճարտարապետն է Նիկողոս Պալեան: Իրենց դասարանի ուսուցիչներու կողմէ տեղեկութիւն ստացան շէնքին մասին ու յիշատակեցին Պալեան ընտանիքը:

Թ. Դասարանի աշակերտները 06.09.2017-Չորեքշաբթի օր, դասարանի ուսուցիչներու առաջնորդութեամբ պտոյտ մը կատարեցին դէպի Ղալաթիա ու Բէրա: Պտոյտի ընթացքին Կեդրոնականի նոր սաները առիթը ունեցան զիրար աւելի մօտէն ճանչնալու ու մտերմանալու:

Կեդրոնական Վարժարանը իրականացուց իր աւանդական պտոյտներէն մին եւս ու 13 Սեպտեմբեր 2017 Չորեքշաբթի օր, ամբողջական կազմով պտոյտ մը կատարեց, շարժանաւով դէպի Ոսփորի Եւրոպական ու Ասիական ափերուն: